Full Lyrics
PALM SUNDAYHosanna Filio David
Hosanna filio David: Benedictus qui venit in nomine Domini. Rex Israel: Hosanna in excelsis.
Pueri Hebraeorum 1
Refrain:
Pueri Hebraeorum, portantes ramos olivarum, obviaverunt Domino, clamantes et dicentes: Hosanna in excelsis.
Ps. 23, 12 & 710.
Domini est terra, et plenitudo ejus, * Orbis terrarum et universi qui habitant in eo.
2. Quia ipse super Maria Fundavit eum, * et super flumina praeparavit eum. R/
7. Attollite portas principes, vestras: et elevamini, portae aeternales: * et introibit rex gloriae. R/
8. Quis est iste rex gloriae? Dominus fortis et potens: * Dominus potens in praelio R/
9. Attollite portas, principes, vestras: et elevamini, portae aeternales: * et introibit rex gloriae R/
10. Quis est iste rex gloriae? * Dominus virtutum ipse est rex gloriae. R/
11. Gloria Patri, et Filio, * et Spiritui Sancto. R/
12. Sicut erat in principio, et nunc, et semper, * et in saecula saeculorum Amen R/
Pueri Hebraeorum 2
Refrain:
Pueri Hebraeorum, vestimenta Prosternebant in via, et clamabant dicentes: Hosanna filio David: Benedictus qui venit in nomine Domini.
Ps 46
1. Omnes gentes, plaudite manibus: * Jubilate Deo in voce exsultationis R/
2. Quoniam Dominus excelsus, terribilis * rex magnus super omnem terram R/
3. Subjecit Populos nobis: * et gentes sub pedibus nostri R/
4. Elegit nobis hereditatem suam: * Speciem Jacob, quam dilexit R/
5. Ascendit Deus in jubilo: * et Dominus in voce tubae. R/
6. Psallite Deo nostro, Psallite *. Psallite regi nostro, Psallite R/
7. Quoniam rex omnis terrae Deus: * Psallite Sapienter. R/
8. Regnabit Deus Super gentes: * Deus sedet super sedem sanctam suam. R/
9. Principes populorum congregati sunt cum Deo Abraham: * quoniam dii fortes terrae vehementer elevati sunt. R/
10. Gloria Patri, et filio, * et Spiritui Sancto. R/
11. Sicut erat in principio, et nunc, et semper, * et in saecula saeculorum Amen. R/
Gloria laus
Chorus:
Gloria laus et honor tibi sit, Rex Christi Redemptor: Cui puerile decus prompsit Hosanna pium
1. Israel es tu Rex, Davidis et inclyta proles: nomine qui in Domini, Rex benedicte, venis.
2. Coetus in excelsis te laudat caelicus omnes, et mortalis homo, et cuncta creata simul.
3. Plebs Hebraea tibi cum palmis obvia venit: cum prece, voto, hymnis, adsumus ecce tibi.
4. Hi tibi passuro solvebant munia laudis: nos tibi regnanti pangimus ecce melos.
5. Hi placuere tibi, placeat devotio nostra: Rex bone, Rex clemens, cui bona cuncta placent.
MASS OF THE LORD'S SUPPERNos Autem
Nos autem gloriari oportet in cruce Domini nostri Jesu Christi: in quo est salus, Vita, et resurrectio nostra: Per quem salvati et liberati sumus.
Ps Deus misereatur nostri, et benedicat nobis: illuminet vultum suum super nos, et misereatur nostri. Nos autem.
2 Ut Cognoscamus in terra viam tuam: in omnibus gentibus salutare tuum. Nos autem
3 Confiteantur tibi populi, Deus: confiteantur tibi populi omnes. Nos autem
Mandatum Novum
Mandatum novum do vobis: ut diligatis invicem, sicut dilexi vos, dicit Dominus.
Ps. Beati immaculati in via: qui ambulant in lege Domini
Ubi Caritas
Ant:
Ubi caritas et amor, Deus ibi est.
1 Congregavit nos in unum Christi amor. Exsultemus, et in ipso Jucundemur Timeamus et amemus Deum vivum Et ex corde diligamus nos sincero
2 Simul ergo cum in unum congregamur: Ne nos mente dividamur caveamus. Cessent Jurgia maligna, cessent litesEt in medio nostri sit Christus Deus
3 Simul quoque cum beatis videamus Glorianter vultum tuum, Christe Deus: Gaudium, quod est immensum, atque probum. Saecula per infinita saeculorum Amen
Ecce Lignum
Ecce lignum Crucis in quo salus mundi pependit Venite adoremus.
Victimae Paschali
Victimae paschali laudes immolent Christiani.
Agnus redemit oves: Christus innocens Patri reconciliavit Peccatores.
Mors et vita duello conflixere mirando: dux vitae mortuus, regnat vivus: Dic nobis Maria, quid vidisti in via?
Sepulcrum Christi viventis et gloriam vidi resurgentis:
Angelicos testes, sudarium, et vestes.
Surrexit Christus spes mea: praecedet suos in Galilaeam.
Scimus Christum surrexisse a mortuis vere: tu nobis, victor Rex, miserere
Amen (Alleluia)
