Full Lyrics
1. Gloria, laus et honor
tibi sit, Rex Christe Redemptor.
Cui puerile decus
prompsit hosanna pium.
2. Israel es tu Rex,
Davidis inclyta proles:
Nomine in Domini,
Rex benedicte, venis.
3. Coetus in excélsis
te laudat caélitus omnis,
et mortális homo,
et cuncta creáta simul.
4. Plebs Hebræa tibi
cum palmis obvia venit:
Cum prece, voto, hymnis,
adsumus ecce tibi.
5. Hi tibi passúro
solvébant múnia laudis:
nos tibi regnáti
pángimus ecce melos.
6. Hi placuére tibi,
pláceat devótio nostra:
Rex pie, Rex clemens,
cui bona cuncta placent.
