Full Lyrics
Prima pars
Dic nobis, Angele Dei, quid est verbum hoc quod fecit dominus, et ostendit nobis?
Audite pastores quae loquor et attendite verba oris mei,
fluat ut ros eloquium meum quia nomen domini invocabo.
Audiemus quod loquetur nobis dominus quoniam loquetur pacem ad plebem suam.
Ecce Evangelizo vobis gaudium magnum quoberit omni populo
quia natus est nobis hodie salvator mundi,
qui est christus Dominus.
Cantemus Domino alleluia,
Quia puer natus est nobis,
Benedictus Deus, alleluia.
Quia filius datus est nobis, alleluia.
Secunda pars
Gloria in excelsis Deo et in terra pax hominibus bonae voluntatis,
verbum caro factum est et habitavit in nobis.
Laetentur caeli et exultet terra, quia sol illuxit nobis.
Terra nostra aperta est.
Virgo peperit salvatorem.
