Full Lyrics
Beatus homo qui invenit sapientiam, qui affluit prudentia,
melior est acquisitio ejus negotiatione argenti et auro primo fructus ejus,
pretiosior est cunctis opibus, et omnia quae desiderantur huic non valent comparari.
Longitudo dierum in dextera ejus, et in sinistra illius divitiae et gloria.
Viae ejus viae pulchrae, et omnes semitae ejus pacificae.
Lignum vitae est his qui apprehenderint et qui tenuerint eam.
Dominus sapientia fundavit terram, stabilivit coelos prudentia,
sapientia illius eruperunt abyssi, et nubes rore concrescunt.
(Liber proverbiorum, 3;1320)
