Full Lyrics
Jesu corona virginum,
quem mater illa concipit
quæ sola virgo parturit,
hæc vota clemens accipe.
Qui pascis inter lilia,
septus choreis virginum,
sponsus decorus gloria, [alt. sponsas decorans]
sponsisque reddens præmia.
Quocumque pergis [tendis], virgines
sequuntur, atque laudibus
post te canentes cursitant
hymnosque dulces personant.
Te deprecamur largius,
nostris adauge sensibus
nescire prorsus omnia,
corruptionis vulnera.
Virtus, honor, laus, gloria,
Deo Patri cum [et] Filio,
Sancto simul Paraclito
In sæculorum sæcula. Amen.
