Full Lyrics
Prima pars
Jam lucis orto sidere
statim oportet bibere,
ergo bene erimus
si bene potaverimus.
Si quis plene non biberit
salvus esse non poterit,
bibamus ergo egrigie
et rebibamus optime,
ut in somni requie
possimus esse hodie,
in qua nemo valeat
nisi laetari gaudeat,
nisi bibat et rebibat,
et rebibendo bibat
semel et secundo
donec nihil sit in fundo.
Ergo, noster frater,
bibamus ter, quater,
bibamus et rebibamus
et in potatione gaudeamus
Secunda pars
Qui ponit aquam in Falerno
sit sepultus in inferno.
Aqua limpha maledicta
sit nobis interdicta.
Gloria sit tibi vinum,
Guernace, Graecum et Latinum,
lauda vinum quod feramus
et super omne laudamus.
Sit semper nostra lectio
longissimo potatio,
ut durat ista regula
in sempiterna saecula.
