Full Lyrics
Iesu, sole serenior,
Et balsamo suavior,
Omni dulcore dulcior,
Et cunctis amabilior.
Cuius gustus sic afficit
Cuius odor sic reficit,
Iesus qui nunquam deficit,
Solus amanti sufficit.
O mentis delectatio,
Amoris consummatio;
Tu nostra gloriatio,
Iesu, nostra salvatio.
Sequar quocunque ieris,
Mihi tolli non poteris,
Cum meum cor abstuleris,
Tu salus nostri generis.
Sic ergo tua gratia,
Nostra tangat præcordia,
Quod nobis in memoria,
Sis per eterna secula.
