Full Lyrics
Gaude, virgo mater Christi,
quae per aurem concepisti,
Gabriele nuntio.
Gaude mater salvatoris
dum te mater praecursoris
vocat in hospitio.
Gaude, quia Deo plena
peperisti sine poena,
Cum pudoris lilio.
Gaude quia magi dona
tuo nato ferunt bona
quem tenes in gremio.
Gaude, quia tui nati
quem dolebas mortem pati,
fulget resurrectio.
Gaude quae post ipsum scandis,
et est honor tibi grandis,
in caeli palatio.
Amen.
