Full Lyrics
Domine, rex omnipotens,
tu fecisti caelum et terram
et quidquid caeli ambitu continetur.
Dominus omnium tu es,
nec est qui resistat majestati tuae.
Cuncta nosti et scis quia non pro superbia
et contumelia et aliqua gloriae cupiditate fecerim hoc,
ut non adorarem Aman superbissimum.
Sed timui ne honorem Dei mei transferrem ad hominem
et ne quemquam adorem excepto Deo meo.
Et nunc, Domine rex, Deus Abraham,
miserere populi tui, quia volunt nos inimici nostri perdere
haereditatem tuam delere, ne despicias partem tuam,
quam redemisti tibi ex Aegypto.
Exaudi deprecationem meam
et propitius esto sorti
et funiculo tuo et converte luctum nostrum
in gaudium ut viventes laudemus nomen tuum Domine
et ne claudas ora te canentium. (Est 13)
