Full Lyrics
Deus in nomine tuo salvum me fac:
et in veritate tua iudica me.
Deus exaudi orationem meam.
Auribus percipe verba oris mei
quoniam alieni insurrexerunt adversum me
et fortes quaesierunt animam meam
et non proposuerunt Deum ante conspectum suum.
Ecce enim Deus adiuvat me
et Dominus susceptor animae meae.
Averte mala inimicis meis.
In veritate tua disperde illos.
Voluntariae sacrificabo tibi
et confitebor nomini tuo Domine quoniam bonum est.
Eripuisti me et super inimicos meos despexit oculus meus.
