Full Lyrics
De quatre nuys les trois veillier
Et la quatriesme sommeillier
En despitant ma vye toute
Me fait celle qui passe route.
De cueur amoureulx travaillier,
Parler tout seul et gargouiller
Et de larmes mes yeulx mouillier,
Souvent en ce point je m’escoute
Et quant ce vient au resveillier,
Je fay des chateaux ung millier,
En Espaigne ou ailleurs sans doubte.
Qui sçaroit que ung heure me coute
Bien s’en debvroit esmerveillier.
