Full Lyrics
Cum descendisset Jesus de monte, secutæ sunt eum turbæ multæ: et ecce, leprosus veniens adorabat eum dicens: Domine, si vis, potes me mundare. Et extendens manum, Jesus tetigit illum, dicens: Volo mundus esto. Et confestim mundata est illius lepra.
Cum autem introisset Capernaum, adiit eum Centurio, obsecrans eum et dicens: Domine, famulus meus decumbit domi paralyticus, et graviter torquetur. Et ait Jesus: Ego cum venero medebor illi. Et respondens Centurio dixit: Domine, non sum dignus, ut tectum meum subeas, sed tantum dic verbum, et sanabitur famulus meus. Et dixit Jesus Centurioni: Vade, et quemadmodum credidisti, fiat tibi.
