Full Lyrics
Christum natum Dominum
omnes imploremus,
matremque cum Filio
pariter laudemus.
Est satis mirabilis
et multum laudabilis
vere partus iste:
ergo solus Dominus,
solus et Altissimus
es tu, Jesu Christe.
Felix est puerpera
cuius casta viscera
Deum genuerunt,
et beata ubera
in aetate tenera
Christum lactaverunt.
Christe, qui nos propriis
manibus fecisti
et pro nobis omnibus
nasci voluisti,
te devote petimus:
laxa quod peccavimus,
ne sinas perire
post mortem nos miseros,
ne simul ad inferos
patiaris ire.
