Full Lyrics
Celuy par qui lumier habonde
En ce monde,
Est mon salut et mon pouuoir:
C'est ma vie, mon asseurance,
Esperance.
De qui doyie donc craincte auoir?
2 Quand tous mes enemis se vantent,
Et presentent
Pour m'enlourir et oultrager,
Tu les mets (par ta bonté digne)
En ruyne,
Ne pouans l'ame endommager.
3 alors que sera leur armée
Animée
Contre moy, crainte ie n'auray,
Et quand il fauldra qu'on ma baille
La bataille,
Adoneq en seurté ie seray.
4 Et si ie y meurs, faueur plus grande
Ne demande:
Car d'un seul poinct ay prié Dieu:
Et aultre chose plus parfaicte
Ne soubhaite,
Que d'habiter en son sainct lieu.
5 La Seigneur en son tabernacle,
Par miracle,
Lors par grace me cachera,
Comme sur une roche estroicte,
Et si droicte,
Qu'homme aulcun ne me fascera.
6 Quand il vouldra, l'auray victoire
Peremptoire,
De ceulx qui me font tant d'ennuy:
Dont luy offre actions de graces
en ces places,
Et chantant m'efiouys en luy.
7 O Seigneur doncne mets arriere
Ma priere,
Exauce ma dolente voix,
Ayes de moy misericorde,
Et m'accorde
Ton sainct secours à ceste foys.
8 Mon cœur souuent à ta hautesse
Se confesse,
Ma face te cerche et mes yeulx,
O que souuent ie te desire,
Helas Sire,
Que te veoir suis curieux.
9 N'eslongne point de moy ta face,
Que pourchasse,
Et ne m'abandonne, O Saulueur,
Ne veulle pas ausi destruire,
Ne reduire
En rien ton humble seruiteur.
10 Ne melaisse point, car mon pere
Et ma mere
M'ont maintenant abandonné,
Tant que sans leur ayde à ceste heure
Ie demeure:
Ton secours doncq me soit donné.
11 Seigneur enseigne moy ta voye,
Que ie voye
Les chemins plus droict et entiers.
Pour euiter les embuscADES
eT œillades,
De ceulx qui guettent les sentiers.
12 Ne me merz au veul tyrannique,
Et inimique,
De mes capitaulx ennemis
Car ilz ont des tesmoigns periures
Qui ordures
Et crimes ont dessus moy mis.
13 Troublé me fusse en leurs menasses,
Et fallaces:
Mais ie m'attens de voir lebien
Du Seigneur (que se dois requerre)
En la terre,
Des viuans, ou mort ne peut rien.
14 Chrestien donc qui cognois la trace
De sa grace,
Espere en luy virilement.
Il consolera ta pensée
Offensée,
Doubter n'en fault aucunement.
