Full Lyrics
Ave stella matutina,
peccatorum medicina
mundi princeps et regina,
virgo sola digna dici,
contra tela inimici,
clipeum pone salutis
tui titulum virtutis.
Tu es enim virga Iesse
in qua Deus fecit esse
Aaron amygdalum,
mundi tollens scandalum.
Tu es area compluta,
coelesti rore imbuta,
sicco tamen vellere:
tu nos in hoc carcere
solare propicia.
Dei plena gratia
O sponsa Dei electa,
esto nobis via recta
ad aeterna gaudia
ubi pax et gloria.
Tu nos semper aure pia
Dulcis exaudi Maria.
