Full Lyrics
Ave mundi spes, Maria,
ave mitis, ave pia,
ave plena gratia.
Ave virgo, stella maris,
quae per rubum designaris
non passum incendia.
Ave virgo Deo grata,
ab Angelo salutata,
castitatis lilium.
Ave virgo, de qua nasci
et de cujus lacte pasci
Rex coelorum voluit.
Ave virginum lucerna,
per quam fulsit lux superna
his quos umbra tenuit.
Ave decus Angelorum,
advocata peccatorum,
ave coeli janua.
Ave sancta Christi mater,
per te nobis Deus Pater
det aeterna gaudia.
