Full Lyrics
A babe ys borne I wys,
This worlde to ioy and blis,
Hys ioy shall never fade and misse,
And Jhesus is Hys name.
On Cristmasse day at morne,
This childe was iborne,
To save us alle that were forlorne,
And Jhesus is Hys name.
On Gudde Friday so sone,
To dethe he was idone,
Betwyx all morne and none,
And Jhesus is Hys name.
On Estyr day so swythe,
He rose fro dethe to lyve,
To make us all bothe gladde and blythe,
And Jhesus is Hys name.
On the holy Thursday,
To heven he toke Hys way,
Ther to abyde for euer and ay,
And Jhesus is Hys name.
