Full Lyrics
In u staet al mijn hoep, o Heer,
laet me bescamen nemmermeer.
Vrijdt my met u ghenaden,
verlost mi hier uut minen seer,
u ooren neycht, coemt tot mi neer.
Bewaert mi vande quaden,
weest mijn voerstander,
ghi ende gheen ander,
als ick ben beladen.
Want ghi zijt Heer, mijn firmament,
mijn toevlucht, altijt my present.
Verlost mi vanden scharen,
die uwe woerden excellent versmaden
soot u is bekent,
die boosheyt openbaren.
Ghi zijt ghepresen
mijn hopen mids desen,
van mijn ionghe iaren.
Van ioncx ben ic gheconfirmeert,
van u altijt ghedefendeert,
in u mijn lof verheven,
veel hebben mi gheiudiceert,
een wonder: ghi hebt mi gheeert,
mijn hulp zijt ghi ghebleven.
Laet my u loven, o Heer,
hier boven glorie gheven.
