Full Lyrics
Gaude virgo mater Christi
Quae te matrem ostendisti
Multis reis corde tristi.
Non est quis quem tu sprevisti
Sua in angustia.
Idcirco mater miscrorum,
Respectum feras peccatorum,
Nam es prona suppressorum
Dare corda compunctorum
Caelis ab miseria.
Nostra spes et advocata,
Cunctis turbis es probata,
Ducens membra venerata
Imis loca per beata
Celsa supra sidera.
Quid vereris te curvare
Miser, et hanc exorare,
Tundens pectus, flens amare;
Sciens non vult refutare
Quemquam in tristitia.
O tu virgo labe carens,
Es labentum semper parens;
Sim et tibi vita parens
Vivens in hoc saeculo.
At nos omnes hic degentes
Recurramus huic, dicentes:
Consolare nos gementes
In te nostram spem ponentes
Mortis in periculo.
