Entends à ma priere (Ps. XVII)

Entends à ma priere (O souuerain seigneur) Escoute mes clameurs de pleurs et larmes pleines: Reçoy mon oraison, qui au cœur de mon cœur, Prend sa fontaine et source, et non des leures vaines. 2 Ne souffre aultr que toy pour iuger de mon faict. Car tes saincts iugemens en grace tous excedent. Ouure sur moy tes yeulx, non pour veoir mon forfaict, Mais ma iustice et droict, qui de toy seul procedent. 3 Tu as fonde mon cœur, et de nuict esprouué. M'examment par feu, comme l'or par touche. Tu m'as bien approuue: mais quoy? yu as trouué. Ma beuche au cœur respondre, et mon cœur à la bouche. 4 Ie sçay bien que ie suis plein de peruersité, Mais ton parler tresainct (plus doulx que l'ambrosye) M'a tiré des sentiers ou gist iniquité, Pour me mettre au chemin de salut et de vie. 5 Tu es lumiere, et voye, helas donc dresse moy, Monstre moy le chemin qui droict à toy me meine. De peur de vaciller ou m'eslonger de toy, Craincte de perdre ausi la voye plus certaine.