Full Lyrics
En sal mijn siel, mijn Heer, mijn God,
niet onderdanich wesen?
Een sulcken Heer, dat is het slot,
wiens naem moet zijn ghepresen,
salichheyt coemt van hem altijt,
hi is mine God ghebenedijt,
gheen trueren sal mi betrueren.
Hoe lang suldy eenen goeden man,
ghi boosen, hier vernielen?
Want men u spel ghelijcken can,
bi mueren die over vielen,
ghelijck ghi hier met valschen moet,
den goeden altijt veel lidens doet.
De cleenen die doet ghi weenen.
Daer om si dachten mijn naem en eer,
ende oock Gods uutvercoren,
te beletten, en te crencken seer,
sij lieten haer smeecken horen.
Sij spraken seer wel met haren mont,
maer boos en quaet was haren gront,
haer sinnen, zijn valsch van binnen.
