Full Lyrics
1. Ex te lux oritur o dulcis Scocia qua vere noscitur fulgens Norwagia,
Que cum transvehitur trahis suspiria tui subtrahitur quod regis filia.
2. Cum pax accenditur que sui gracia regnis indicitur redit leticia,
Applaudunt undique terrarum spacia tecum sed utique congaudet Anglia.
3. Ad regem mittitur Eyricum regia virgo suscipitur summa cum gloria,
Gens tota solvitur in plausus eya 25cantus extollitur fiunt tripudia.
4. Cleri celebriter occurrat concio orat salubriter sacra religio,
Prodit celeriter omnis condicio et sexus pariter resultans gaudio.
5. Rex ducit virginem dulce coniugium per mundi cardinem producit gaudium,
Salvet compagniem Deus hanc omnium horum propaginem det et in medium.
6. Regina residet in regni solio iniuncta possidet coronam regio,
In cultu presidet digna fastigio sit qui sic providet laus dei filio.
7. O quam laudabilis hec regis socia mitis affabilis plena prudencia,
Cunctis dat humilis polet facundia venustat nobilis quam continencia.
8. Viro sit ut fuit Rachel amabilis ut regi placuit Ester placabilis,
Ut Ly a genuit sit prole fertilis degat ut deguit Susanna stabilis.
9. Manentes iugiter dei servicio senescant taliter felici senio,
Ut vite labilis de curso stadio semper durabilis sint digni bravio.
10. Ex te progreditur o dulcis Scocia qua late spargitur laudis materia.
