Full Lyrics
Ave Maria ancilla Trinitatis humillima.
Ave Maria praeelecta Dei Patris filia sublimissima.
Ave Maria sponsa Spiritus Sancti amabilissima.
Ave Maria mater domini Jesu Christi dignissima.
Ave Maria soror angelorum pulcherrima.
Ave Maria promissio prophetarum desideratissima.
Ave Maria regina patriarcharum gloriosissima.
Ave Maria doctrix apostolorum sapientissima.
Ave Maria confortatrix martyrum validissima.
Ave Maria, fons et plenitudo confessorum suavissima.
Ave Maria honor et festivitas virginum iocundissima.
Ave Maria consolatrix vivorum et mortuorum promptissima.
Nobiscum sis in omnibus temptationibus
Tribulationibus necessitatibus angustiis et infirmitatibus nostris:
et in hora mortis nostrae
suscipe animas nostras
et offer illas dulcissimo filio tuo Jesu:
et impetra nobis omnium peccatorum nostrorum
veniam et caelestis patriae gloriam.
Amen.
