Full Lyrics
Ave Dei Patris filia nobilissima,
Dei Filii mater dignissima,
Dei Spiritus sponsa venustissima,
Dei unius et trini ancilla subiectissima.
Ave summae aeternitatis filia clementissima,
summae veritatis mater piissima,
summae bonitatis sponsa benignissima,
summae Trinitatis ancilla mitissima.
Ave aeterne caritatis filia desideratissima,
aeterne sapientiae mater gratissima,
aeterne spirationis sponsa sacratissima,
coaeterne maiestatis ancilla sincerissima.
Ave Jesu tuni filii filia,
Christi Dei tui mater alma,
sine ulla macula,
Deitatis ancilla sessioni proxima.
Ave Domini filia singulariter generosa,
Domini mater singulariter gloriosa,
Domini sponsa singulariter speciosa,
Domini ancilla singulariter obsequiosa.
Ave plena gratia, poli regina,
misericordiae mater meritis praeclara,
mundi domina a patriarcharis praesignata
imperatrix inferni a prophetis praeconizata.
Ave virgo foeta [ut sol praeelecta,]
mater intacta, [sicut luna perpulchra,
salve parens inclita enixa puerpera,
maris praefulgida, felix coeli porta.]
Esto nobis via recta ad aeterna gaudia,
ubi pax est et gloria,
O gloriosissima semper virgo Maria.
Amen.
