Full Lyrics
1. Angelus emittitur,
ave dulce promitur,
semen Dei seritur,
igitur porta coeli panditur.
2. Vim natura patitur,
filius concipitur,
virgo non corrumpitur,
igitur porta coeli panditur.
3. Grex in nocte pascitur,
coeli lumen funditur,
laus in altis canitur,
igitur porta coeli panditur.
4. Gaudium prædicitur,
pax quoquae promittitur,
bonis tamen traditur,
igitur porta coeli panditur.
5. Novum sydus oritur,
mortis umbra tollitur,
mundi salus gignitur,
igitur porta coeli panditur.
6.
Diligendus proditur,
nil culpandus moritur,
non vincendus capitur,
igitur porta coeli panditur.
7. Cruci vita figitur,
infernus destruitur,
captivitas tollitur,
igitur porta coeli panditur.
8. Adam nexu solvitur,
mors orco deprimitur,
caput hostis teritur,
igitur porta coeli panditur.
9. Argumentis igitur,
in his Christus sistitur,
morti sic excluditur,
igitur porta coeli panditur.
