Full Lyrics
Am dy roddion ddaw o’r newydd,
a chysondeb llanw’r môr,
boed ein cân o fawl yn deilwng
o’th haelioni, Arglwydd Iôr.
Gwared ni rhag camddefnyddio
a gwastraffu pan fo cri
y newynog oll yn edliw
ddysglau llawn ein byrddau ni.
Ym moethus rwydd ein cartrefi,
na foed inni, nefol Dad
droi'n glustfyddar i’r trueni
sydd ar gerdded trwy bob gwlad.
Bydd o blaid y rhai sy’n gweithio
i ddiddymu’r gwn a’r cledd.
Ti yn unig, dirion Arglwydd
ddaw â’r byd i lwybrau hedd.
Pan fo’n hirlwm ar dy eglwys
a’r gwrthgilio yn dwysau,
rho i’r dau neu dri sy’n ffyddlon
nerth i gadw’r drws heb gau.
Boed i neges dy efengyl
dreiddio i bellafoedd byd
fel y delo'r holl genhedloedd
dan dy faner di o hyd.
