Full Lyrics
Aeterne rex altissime
Redemptor et fidelium:
Quo mors soluta deperit,
Datur triumphans gratiae.
Scandens tribunal dexterae
Patris potestas omnium
Collata est Jesu caelitus
Quae non erat humanitus.
Tu esto nostrum gaudium
Qui es futurus praemium,
Sit nostra in te gloria
Per cuncta semper saecula.
Gloria tibi, Domine,
Qui scandis supra sidera,
Cum Patre et Sancto Spiritu
In sempiterna saecula. Amen
